Qidirish

Ingliz madaniyati va ta’lim yondashuvlari: “Mamlakatshunoslik”
fanidan noan’anaviy ochiq seminar
 
      Navoi innovatsiyalar universiteti Filologiya va tillarni o‘qitish kafedrasi o‘qituvchisi Xalilova Muhtarama tomonidan Ingliz tili ta’lim yo‘nalishi 2-kurs 1-guruh talabalari uchun “Mamlakatshunoslik” fanidan “The United Kingdom and Northern Ireland” mavzusida ochiq seminar darsi tashkil etildi.
 
       
        Dars davomida talabalar nafaqat nazariy bilimlarga ega bo‘ldilar, balki ingliz madaniyatiga xos urf-odatlar bilan ham yaqindan tanishishdi. Xususan, “Easter” (Pasxa), “Halloween”, “Eisteddfod” hamda “Burns Night” kabi diniy va madaniy bayramlar talabalarning jonli chiqishlari orqali namoyish etildi. 
           
 
             Mazkur seminar noan’anaviy yondashuvlar asosida tashkil etilib, kuzatuvchi ustozlar ham dars jarayoniga jalb qilindi. “Ice breaker”, “TBLT” (Task-Based Language Teaching), “TPR” (Total Physical Response) va “Audio-lingual” metodlaridan samarali foydalanildi.
 
           
         Bunday interaktiv yondashuvlar talabalarning ingliz tili va madaniyati bo‘yicha bilimlarini yanada mustahkamlashga xizmat qilib, ularning amaliy ko‘nikmalarini oshirishga katta hissa qo‘shdi.