Navoiy shahar 523-SChR bataloni xizmatchilari hamda Navoiy innovatsiyalar universitetining Ma’naviyat bo‘limi, Axborot-resurs markazi va Iqtidorli talabalar bilan ishlash bo‘limi hamkorligida 14-yanvar — "Vatan himoyachilari kuni" munosabati bilan "Vatan tuyg‘usi qalbimizda" shiori ostida Zakovat intellektual o‘yini tashkil etildi.
Mazkur tadbirda universitet jamoasi va batalon vakillari yoshlar o‘rtasida bilim va tafakkurni rivojlantirish, vatanparvarlik g‘oyalarini keng targ‘ib qilish maqsadida ishtirok etishdi. O‘yinda 8 ta jamoa qatnashib, o‘z bilim va mahoratlarini sinovdan o‘tkazdi.
Zakovat o‘yinida quyidagi jamoalar g‘oliblikni qo‘lga kiritdi:
1-o‘rin: NIU Star
2-o‘rin: Progress
3-o‘rin: Ozodlik
Tadbir yakunida barcha ishtirokchilar o‘z bilimlarini oshirib, intellektual bellashuv orqali yangi ko‘nikmalar hosil qilishdi. Ushbu tadbir yosh avlod qalbida milliy g‘urur va Vatanga sadoqat tuyg‘ularini mustahkamlashga xizmat qildi.
