Joriy yilning 23-24-dekabr kunlari Navoiy innovatsiyalar universiteti talabalari uchun "Farhod" madaniyat saroyida "Yangi yil karnavali" bo'lib o‘tdi.
Talabalar uchun bayram tadbiri bayramona bezatilgan zalda sho'x-shodon dasturlar asosida yorqin taassurotlarga boy bo'ldi.
Tadbir dasturi davomida talabalar olib boruvchilarning qiziqarli chiqishlari, “Sulton-shou” raqs ansamblining betakror chiqishi, tadbir mehmoni Qorbobo va Qorqiz tashrifi, shuningdek, tadbir davomida universitet granti sohiblarini taqdirlash marosimi ham bo'lib o'tdi.
Zamonaviy “Flash dans” raqs ansamblining jo‘shqin chiqishi, xonandalar tomonidan kuylangan yangi yil taronalari, qiziqarli tanlov va sovg‘alar yangi yil tadbiriga o'zgacha shukuh bag'ishladi.Tadbir yakunida barcha yangi yil archasi oldida esdalik uchun suratga tushdi.
