Navoiy innovatsiyalar universitetida Respublika
ilmiy-amaliy anjumani o'tkazildi
2025-yil 15-aprel kuni Navoiy viloyati “REGAL” mehmonxonasida Navoiy innovatsiyalar universiteti “Aniq, texnika va tabiiy fanlar” kafedrasi tomonidan “Globallashuv sharoitida ekologik xavfsizlikni ta'minlash va yer, suv resurslaridan foydalanishni modernizatsiya qilish” mavzusida Respublika ilmiy-amaliy anjumani o'tkazildi.
Mazkur anjumanda O'zbekiston va xorijiy oliy ta'lim muassasalari hamda ilmiy markazlardan yetakchi olimlar, professor-o'qituvchilar va ilmiy xodimlar ishtirok etdilar.
Tadbir davomida global iqlim o'zgarishlarining suv resurslariga ta'siri, ekologik muammolarning ortishi hamda ularga qarshi kurashishning zamonaviy yondashuvlari keng muhokama qilindi.
