Sizlarni 1-oktyabr – O‘qituvchi va murabbiylar kuni munosabati bilan chin qalbimdan tabriklayman! 

👩‍🏫 Ustozlik kasbi – eng sharafli va mas’uliyatli kasblardan biri. Siz azizlarning fidoyiligingiz, bilim va tarbiyaga bo‘lgan sadoqatingiz tufayli jamiyatimizda komil insonlar, yurtimiz ravnaqi uchun xizmat qiladigan yetuk mutaxassislar voyaga yetmoqda.

📖 Sizlarning har bir so‘zingiz, har bir darsingiz talabalarning qalbi va ongida ezgu iz qoldiradi. Shogirdlar qalbida ilmga muhabbat, vatanparvarlik va insoniylik tuyg‘ularini shakllantirishdagi mehnatingiz uchun sizlarga chuqur minnatdorlik bildiraman.

🌹 Aziz ustozlar!Sizlarga sihat-salomatlik, xonadonlaringizga fayz-u baraka, kelgusi faoliyatingizda ulkan muvaffaqiyatlar tilayman. Yurtimiz ravnaqi va yoshlar kelajagi yo‘lida olib borayotgan mashaqqatli, ammo sharafli mehnatingizda bardavom bo‘ling!

Hurmat va ehtirom bilan,Navoiy Innovatsiyalar Universiteti Rektori: Jo’rabek Mavlonov